عبدالمنعم شجرابي يكتب: زيو وزي غيرو
.. اضرب واهرب ..
زيو وزي غيرو
*** الحديث عن الحوار وما أدراك ما الحوار للخروج من الأزمة السياسية التي طالت البلاد دعوة حق أريد ويراد بها باطل فأي حوار والمعتقلات تعج بالمعتقليين؟ وأي حوار والتعبير ممنوع ( والبمبان شغال )؟؟
*** في محاولة لكسب ود المريخاب بعد مقطعه ( التواطئيّ ) الكارثي قال الجاكومي الهلال فريق الحكام المدلل فزاد من غضب المريخاب عليه وسخر منه الهلالاب
*** عندما تهطل المطر .. عندما تمتلئ الشوارع وتفيض بالمياه عندها فقط ستعرف المحليات وصول الخريف وتحفر وتنظف مجاري ومصارف الأمطار
*** تقدم الهلال بطلب رسمي ( ذكي ) إلى الإتحاد العام بمده بكشوفات لاعبي الأندية الني تنافسه بالممتاز والطلب الأزرق بلا شك سيحيل عدد من لاعبي المريخ ( للصالح العام )
*** الناس ( الهاملة ) احتفلت ( وقامت وقعدت ) مع الفنانة بلقيس فتحي ( والبلد في شنو وديل في ايش !؟؟ )
*** ( زيو وزي غيرو ) دخلت المؤتمر الشعبي الانقسامات ( وما فيش حزب أحسن من حزب ) وياهو ده الحال
*** الزول ده قولوا ليهو ده كتير علينا .. الزول ده قولوا ليهو قلنا الروووب .. الزول ده قولوا ليهو خاف الله فينا كان يخاف الله فيكم
*** مغادرة حزب الأمة للحرية والتغيير إن تمت تؤكد أن الحزب أصلاً كان الأبعد من الحرية والتغيير ( من زمن الإنقاذ ولي هسه )
*** والتغيير الذي جاءت به مجموعة التغيير بالإتحاد العام أنها وقعت عقودات مع المدربين السابقين للمنتخبات الوطنية في خطوة هي البحث عن الفشل ( بتقدير ممتاز )
*** حرق النفايات بالأحياء هو عملية تحويلها من ألوان متعددة إلى اللون الأسود في ظروف سوداء بالغة السواد
*** كل المحاولات باءت بالفشل .. كل المرجو منه سقط ولم يحدث منه شئ .. والخلاصة لا شئ أفاد به التلفزيون الإنقلاب والذي أضر بالمسار الانتقالي والبلاد والعباد
عبدالمنعم شجرابي ..
