عبدالمنعم شجرابي يكتب: .. اضرب واهرب ..السترة واجبة
عبدالمنعم شجرابي يكتب: .. اضرب واهرب ..السترة واجبة
الوجوه نفس الوجوه .. والأسماء ذاتها .. والزول نفس الزول ( والتغيير ) تغيير المواقع من ( كتلة ) إلى ( كيان ) إلى ( تنسيقية )
نعم المشهد واحد
( والشاهد شاف كل حاجة )
*** الحزبان الكبيران الاتحادي والأمة ( جغمتهم ) الخلافات ( وبلتهم ) الانقسامات
( والموت حصل ) وللأسف لا جدية من ( مسؤول ) حزبي يوقع على ( شهادة الوفاة )
*** عمر النمير على رئاسة المريخ بعد ود الياس يراه البعض عودة الرئاسة ( للبيت الكوارتي ) علماً أن حاج عثمان سبق ود الياس ( بغير توارث ) وللتذكير فقط ( فالأسرة الكوارتية ) بالهلال أضخم وأثقل وأكبر وأجزم
أنك توافقني ( وتبصم بالعشرة ) صديقي ود الياس
*** صور كثيرة متبادلة في الوسائط صورها جنود الجيش ملاحظتي المصور وزملاؤه في ( حزام آمن ) وامدادهم واصل ( ومرتاحين ) والتصوير بالموبايل يعني توفر الكهرباء وكل ذلك كان متوفر لهم وفقده الدعامة الآن
( وعلى الباغي دارت الدوائر )
*** الزول ده يتكلم بلا تدقيق
الزول ده يتحدث بلا مسؤولية
الزول ده شغال تهريج
الزول ده زول ساكت
*** في بوح خاص دعوني أحيي الصديقين العزيزين اللواء د.نصرالدين عبدالفتاح قائد المدرعات واللواء معاوية حمد قائد بابونسة الأعزاء نصري وود حمد وجنودكم تعظيم سلام
*** تعانقت القلوب قبل تعانق الأجساد .. وتوزعت الابتسامات تضئ بيت السودان بالقاهرة والذي تعطر بالذكريات والجمال وخرجت الأصوات ( المميزة ) رجال
ونساء وكأنها منبعثة من الراديو أتوقف هنا واعترف بفشلي في نقل احتفالية الإذاعيين بعودة ( إذاعتنا ) في وجود عمالقتها
( وأحلى من كده ما في )
*** جاءت الكويت في المركز الثالث عشر وللمرة السابعة حصلت فنلندا عالمياً على المركز الأول ومن باب ( السترة واجبة ) لا اختيار للدولة ( الأشقى )
( وخلوها مستورة )
*** غبت عن الكتابة
( بلا استئذان ) ثلاثه أيام حسوماً وأنا أعود يتوجب علي الإعتذار وليتني اسمع من الأحباب الأعزاء
( عذرك معاك )
عبدالمنعم شجرابي ..
