د. حسن التجاني يكتب:..وهج الكلم..اختفاء الكباشي….!!
د. حسن التجاني يكتب:..وهج الكلم..اختفاء الكباشي….!!
الفريق اول ركن شمس الدين الكباشي …شخصية عسكرية مهمة جدا في هذه الايام وكل الايام ….وجوده يعطي معركة الكرامة دفعة كبيرة وانتصارات لا حصر لها ….ويبعث الاطمئنان في نفس المواطن الذي فقد كل شئ حتي الامان والطمأنينة….لذا حين يختفي ننزعج ونقلق ونسأل .
* شمس ضابط قوي ومهاب لانه مليان عسكرية و(مستف)تكتيكات عسكرية وشفت ميدان حرب ..ناس العسكرية بقولوا ضابط مالي قاشو….وفعلا مالي قاشو….وكثير كنت اقول لاهلنا النوبة في لقاءتنا يومها ولدكم ده زول اسد مثلكم خير تمثيل في السلطة والحكم وادارة البلاد ….ونحن شرف لينا لانه سوداني وكفي.
* لمن غاب رئيس مجلس الوزراء د. كامل ادريس قامت الدنيا ولم تجلس حتي اليوم وعابوا عليه الناس انه لم يصرح لاهل الشأن (شقيش مروح) …وظن الناس به الظنون حتي نحن لم يسلم الدكتور من هبشتنا ولذا نعتذر اليوم ان كنا متعجلين في السؤال والظن لمن قلنا ياربي زعلان وللا حردان وللا (مرضان)… وخابت الظنون وعاد كامل ودور شغل بفهم جديد .
* الان الكباشي اختفي دون اشعار ودون اخطار وبهذا شغل البال وسألنا الف سؤال …ياربي مالو؟
* كل الامنيات ان يكون بخير وان تكون الاسباب خير وبركة لكن الكباشي عودنا ا نه ما بورينا وين مشي الا بعد يرجع واحيانا ما بكلمنا لكن بنعرف من د مزمل ابو القاسم زول مسلط مزمل …لكن كمان الصلاة فيها الجهر والسر .. وكله لحكمة يعلمها الله وهم كذلك بفهم الجزئية والشمولية لله.
سطر فوق العادة :
ياربي الكباشي مشي وين ومتين وليه ولمتين ؟….والله سؤالنا من باب المحبة….. كباشي ضروري في التمرين زي سامي عزالدين رحمة الله عليه.
(ان قدر لنا نعود)
