عبدالمنعم شجرابي يكتب : .. اضرب واهرب ..الخمسة سنين الأولى
عبدالمنعم شجرابي يكتب : .. اضرب واهرب ..الخمسة سنين الأولى
طوال عمر مؤتمر نيفاشا وما أطوله كان أعضاء الوفدين السوداني والجنوبي يتبادلان الضحكات ( والونسات ) والقفشات وداخل قاعة الاجتماعات ( تسخن الأجواء ) وفي مؤتمر القاهرة حضر كل طرف ( مكشر ) للآخر ( وكقطعة اسفنج ) نجح المصريون في امتصاص الكثير ( والشخصنة ) مؤسفة في قضايا الأوطان
*** السودان قادته وبذكاء وصل حد الغباء يعملون على ( موته ) وشعبه يتمنى ( حياته ) .. السودان شعب بلا قيادة .. جسد بلا رأس
*** لا أدري إن كانت وزارة التربية والتعليم الاتحادية هي التي فرضت رسوم الجلوس لامتحان الشهادة المتوسطة أم الملحقية الثقافية بالسفارة هي التي فرضتها
والخلاصة زادت هذه الرسوم هموم النازحين هموم
*** اختاره الاتحاد الأفريقي من ضمن صفوة الحكام المحترفين وحكمنا الدولي محمود شانتير ( فات الكبار القدرو ) شانتير ( ربحت الوالداك )
*** متعة المشاهدة وحقوق البث ندوة دعاني إليها التلفزيون الجزائري مع عدد من رؤوساء التحرير ومديري القنوات الفضائية والمريخ ( الجماهيري ) بمبررات انسحابه أمام الهلال انحاز ( لحقوق البث ) وركل ( متعة المشاهدة ) وكفى
*** باقة ورد للشايلين همومهم وهموم الغير باقة ورد ندية للشايلين الهم بالجملة
*** جوا يساعدوه في دفن أبوه دس المحافير هذا حال ( الإنسانية العالمية ) معنا وحال إنسانية بعض الإخوة السودانيين مع إخوتهم السودانيين
والعياذ بالله
*** الزول ده قام من الحتة ديك للحتة دي الزول ده تحول من مقعد ملون لمقعد معكوس الألوان الزول ده بالبلدي أو الافرنجي ياهو نفس الزول وخلاص
*** قضايا الوطن لا تقبل ( الما معانا ضدنا ) قضايا الوطن تقبل ( الانحناءة للعاصفة ) والأوطان فوق الجميع
*** كثيرون الذين ينتظرون تكريمهم من المريخ وأجزم أن هيثم كابو رئيس بعثة المريخ لتنزانيا أول من يستحق التكريم
( ومن غير ليه !! )
*** عبد الرحيم دقلو أين هو الآن
وهنا نقطة وهنا شرطة وهنا علامة استفهام ( ؟؟؟؟ )
*** قال صديقي السورى ما تنزعجوا ولا تضايقوا اخوتنا السودانيين ففي ( الخمسة سنين الأولى ) حتواجهوا كتير من مشاكل النزوح بمصر
قلت يا راجل ( تف من خشمك ) خمسة شهور إن شاء الله ونرجع وطنا فال الله ولا فالك
عبدالمنعم شجرابي ..
