د. حسن التجاني يكتب: ..وهج الكلم ..يا سعادتك ..يا برھان اسمع كلام اخوك…!!
د. حسن التجاني يكتب: ..وهج الكلم ..يا سعادتك ..يا برھان اسمع كلام اخوك…!!
سعادتك الاولي عشان الضبط والربط واحترام السيادات… والقيادة والريادة والتميز التي انت عليھا وفيھا…. اما يابرھان (حافة) دي ..لزوم الخوة والنصيحة التي تسير بين السودانيين محبة وصدقا ووفاءا.
* لكن الليلة انا عاوز ادردش معاك بلھجة اولاد بلد…شوف يا سعادتك …كدر ما عاوز اقول ليك شوف يا برھان حافة ابت تتبلع لي لانو كلامي معاك الليلة واللھ كلام اخوان (بيور) للھ تعالي لا نفاق فيھ ولا (غتغتة) ..
زي ما انت زول عسكري وعندك خبرات متراكمة وزول (شفت) في العسكرية ولقبوك ب(الكاھن) اخوك واللھ برضو عسكري لغاية وصل لواء …لكن قصات قلمك في كشوفات الشرطة ايام عنان رحمتنا واراحتنا.. تبقي ھم الوطن باق فينا فقط.
* ما علينا… واللھ دھ ما الموضوع …الموضوع عاوز اقول ليك الشئ البحصل للسودانيين دھ كلھ من عذاب وقتل وتشريد واغتصاب وتعب وحقارة وقلة ادب
وسفاھة …امر في منتھي السھولة والبساطة يمكن لك ان تحلھ حلا جزريا… والحل عندك لكن انت ما عاوز …ومش ما (عاوز) لانك ما (عاوز) … لا ابدا ..بس لانك انت مسروق …ايوھ مسروق في كل شئ يمكنك من الوصول للحل دھ…..طبعا انت وغيرك من البقروا طوالي بالكم مشي للدجل والشعوذة والعياذ باللھ….انك مسحور
وكدھ وعاملين ليك عمل …لا لا لا …انا قاصد مسروق في جرعات ايمانك بي فكرك انت نفسك …يعني ما داير تدي نفسك فرصة تفكر براك مستخدما كل خبراتك العسكرية المتراكمة وتقعد تخطط..براك لا مستشار لا خبير لا (سجم رماد) واللھ الإمكانية العندك من خلال قوتك المستمدھا من شعبك وجيشك واللھ تھد جبال ب(الابرة).
* انت عارف انو الشعب لأول مرة في تاريخھ يقيف مع رئيس بالمستوى الواقف بيھ معاك الان وھو يعيش أسوأ ايامھ في حياتھ كلھا …عارف ليھ لانھ ما فقد الامل فيك لسھ
املھ ما نفد… واللھ لا جاب يوم نفادھ …عشان كده دھ سر كتابتي ليك الان بھذھ اللھجة المتعجلة الغريبة والتي لم يكتب بھا الوھج من قبل طيلة تاريخھ الممتد.
* طبيعة النفس البشرية انھا تحب السلطة و(التمردق)في الميري خاصة في الوزارة والرئاسة والعسكرية وانت الان (توب لست مان) في الدولة وصاحب القرار.
* اوريك تعمل شنو.. وكلي قناعة انك عارف تماما ممكن تعمل شنو؟ لكن عشان تعمل العاوزھ والعاوزك تعملھ والعاوزھ الشعب منك اقول ليك تعملھ شنو؟
* في البدء لازم تكون عارف انك مسموع الكلمة ومطاع جدا ..كمان لازم تعرف انو عندك جيش رھن اشارتك وشرطة وامن وشعب ..تاني عاوز شنو؟ وانت تملك بلد مليانة خيرات الدنيا كلھا …يلا نبدأ ننفذ
* اول شئ اعلن لكل اجھزة الاعلام العندك لحضور لقاء عاجل يربطك عبرھم بالشعب بما فيھ الجيش والامن والشرطة …وعاجلا ..لا زمن للانتظار … أعلن حالة الطوارئ في كل البلاد …اغلق كل حدودك الجغرافية مع دول الجوار الجوھ جوھ والبرھ برھ…أطلق نداءك العاجل لكل قواتك في الداخل والخارج بالحضور
والتشكيل في كل مراكز الجيش وأطلق حرية المستنفرين وسلحھم بلا تردد فھم أقوياء وطنيون أوفياء…وزع الخرطوم ….بحري… ام درمان علي قادة الجيش بدءا بشمس الدين الكباشي وياسر العطا وابراهيم جابر ..أعلن إيقاف كل المفاوضات والمبادرات والوساطات في كل المنابر والاتجاهات فورا
أعلن تكوين حكومة نشطة تكنوقراطية …باللھ عليك لا تستشير أحدا فيھا…اعفي كل الولاة والوزراء بقرار واحد ..جيب مدير جھاز الامن والمخابرات وأطلق لھ العنان لمدة شهر في الامن الاقتصادي لمراقبة اي شئ في كل شئ …كون محاكم طوارئ مركزية لھا أفرع في الولايات الامنة حاليا للبت العاجل في محاكمة كل (الخونة)
وعديمي الضمير من تجار الأزمات وتعليماتھم المستديمة متي حكموا متي تم التنفيذ الفوري علي الھواء مباشرة وليشھد عقوباتھم كل الشعب لتكون عظة وعبرة لمن لا يتعظ ويعتبر.
* فك اللجام لجيشك ودع كل التعليمات سارية التنفيذ لديھم ..نضفوا الوسخ واريحوا الشعب من عبث السلوك في كل مكان وزمان ….اقفل شبكات النت والاتصالات من كل الاسافير لدحض الشائعة والنقل الكاذب وملك الشعب
الاخبار مباشرة عبر الاعلام علي راس كل ساعة ولتجعل للناطق في الجيش مقاما دائما في كل وسائل الإعلام وفك وحلل لھ صيام الصمت قولا يطمئن ويبشر حتي النصر.
* بعد شھر فقط من ھذھ الوصية اضمن لك حكما الي ان يتوفاك اللھ بعد عمر طويل باذن اللھ… ورضاء جماهيري ليوم الدين وتاريخ حافل بالوفاء والعطاء.
سطر فوق العادة :
في ناس وربما انت منھم سيقولون وتقول …لا ياخ ما بالبساطة دي؟ حينھا اقسم لك انھا اكثر بمئة الف مرة من ھذھ البساطة …أمريكا التي تضع لھا الف حساب قسما تعالي قاعدة (تنخج) في جلبابھ …ابعد كل المستشارين
بعيدا عنك مافي شئ بغطس حجرك غيرم ھم استشير نفسك واجلس لھا طويلا وراجع كلامي دھ…تفلح.
علي فكرة اي يوم يمر علي ھذھ الخطة دون تنفيذھا تخسر كثير سعادتو البرھان واللھ جد.
(ان قدر لنا نعود)
