في حُب شركة تاركو للطيران .. كتبت.. الشاعرة والإعلامية نضال الحاج ..
السلام عليكم ورحمة الله وبركاته…
في مواقف كتيرة في الحياة الزول بتجاوزا وفي احيان بكون ماعندو قدرة على التجاوز…
في حاجات بتمسك الزول من رقبتو .. وتخليه يتحمل اكتر مما يتوقع..
وفي مواقف بتخليك حاسي بي امتنان عظيم ..ومحبة كبيرة وفخر …
انا بشوف انو اي موقف سمح في الدنيا يلاقيني بتوقع يكون عملوا زول سوداني …. لأنه دي الحاجات المتوقعة مننا كشعب معجون بالطيبه والشهامة…
واحدة من المواقف الملفتة للنظر …
في وقت من اوقات الشدة .. وأمي كانت محتاجة جدا تسافر وعاجلاً … رسلت رسالة لي عبدالعظيم مدير مكتب تاركو في الدوحة عشان يشوف لي حجز مستعجل …
حجزت لي امي واختي على أقرب رحلة …
ورغم إننا حجزنا درجة عادية .. لمن وصلنا المطار فوجئنا بي انه حولوها لي درجة رجال أعمال … وغاية الاحترام الانا بشكر تاركو عليه … وده مابس عشان دي امي ..
لانه علي صعيد آخر كتير من تذاكر الناس المحتاجين الانا برسلها او غيري برسلها ليهم هم بيتحملوا جزء كبير من تكلفة السفر ان لم تكن مجاناً …
وغير انهم بينقلوا اي جثمان مجاناً…
ربنا يخضر ضرعاتكم ويزيدكم خير
البوست عن مواقف سمحة لاقتكم في الناقل السوداني السوداني تاركو .
كل الحب
