عبدالمنعم شجرابي يكتب حلة التسوية
عبدالمنعم شجرابي يكتب حلة التسوية
* إن كان ذلك في الإمكان فلتقدم الشرطة مشكورة عدد عبوات الغاز المسيل للدموع المستهلكة خلال عام الانقلاب وكم قيمتها ؟؟ وما هي الجهة المصنعة ؟؟ .. وكم في حوزتها من الفوارق ؟؟ .. وأطلب ذلك لا لشئ سوى أن ( البمبان ) أصبح من ( نفس وتنفس ) الناس ( وكده !!)
* استحقت الرابطة الانتصار والمريخ ( احتاج ) الهزيمة ففيما الجدل والمريخ تنتظره الهزائم والرابطة ( ماشة ) للانتصارات
* عقد اجتماعاً ناجحاً ونجاح الهلال في نجاح قطاع الاستثمار الذي نجح اجتماعه بتقدير تعظيم سلام قطاع الاستثمار الأزرق
* إلى الآن لعب الهلال ويلعب بحارسين السؤال وين حارس المرمى التالت وين ؟
* صدق أو لا تصدق مسؤول كبير شيد بالمال العام مدرسة سماها باسم أمه وشخصياً ما عارف ( دي وقعت شنو الوقعنا فيها )
* وأجمل من رائحة البمبان لم أشم رائحة
* انتصر عليه المريخ بشق الأنفس ( واتخارج ) منه الهلال ( بالجليل الرحيم ) والفلاح عطبرة الذي ( ضرب ) الزومة أخطر من
خطير والجاي منه كتير ومثير ( وحتشوفوا براكم )
* الجثامين قضية ( لا تموت ) الجثامين المتكدسة بالمشارح أرواح في ذمة الأحياء ألا هل بلغت اللهم فاشهد
* اعتذرت من قبل لمن سبقوكم ولكم أكرر الاعتذار فليس لدي الآن ما أقدمه للعمل العام بشرق النيل أو غيره ( فخريفي ) انتهى وصعب علي ( أكل ) خريف غيري أسأل الله ( حسن الختام )
* طال بقاء ( حلة التسوية ) على ( البوتوجاز ) والغريب أن ( الشيف السياسي ) لا يكشف ( المواد ) ولا ( المقادير ) ويبشر الشعب ( بأكلة شهية ) وتاكلوا ( السم ) يا من كدتم تاكلون الشعب ( لحى الأشجار )
* ما عاوز أقول ليكم جبريل ( قاعد .. قاعد .. قاعد ) في وزارة المالية لكن عاوز أقول ليكم الغرايري ( طاير .. طاير .. طاير ) من تدريب المريخ ولست ( نبي ) ولا تحسبوني ( غبي )
عبدالمنعم شجرابي ..
