عبدالمنعم شجرابي يكتب: جسد بلا رأس

.. اضرب اهرب ..
جسد بلا رأس
*** قدر السودان في الحكم العسكري فيثور شعبه البطل على هذا الحكم .. قدر السودان أن الأحزاب ( المتهالكة ) تحكمه بعد العسكر .. قدر السودان أنه محكوم بحكم مستبد أو حكم فاسد .. قدره ( أثقل ) من قدر
*** الأهلي الخرطومي ( صاقعة ) .. الأهلي الخرطومي ( يتلتل ) .. والأهلي ( قوى حديثة ) خطرها بات واضحاً على ( القوى التقليدية ) ومن رشح الأهلي منافساً للهلال على الفوز بالدوري ( ما كضب )
*** لو كانت هناك جهة تعرف عدد ( الفنانين الشباب) وعدد (القونات ) دلوني عليها فرغبتي كبيرة معرفة عدد الناس (الكتار ديل كم )
*** ( بطاقة خضراء ) لشركة الكهرباء التي وفرت التيار لممتحني شهادة الأساس و( بطاقة حمراء ) لها وهي تعاود برمجة القطوعات لممتحني الشهادة السودانية
*** حسرة على ضياع ( عائداتها ) والحسرة أكبر على ضياع ( شحنتها ) وحسرة كبرى وباخرة المواشي ( تغرق تغرق ) ومن قبلها ميناء سواكن ( تحرق تحرق ) والجميع إلى الآن يتفرج
*** الزول ده كل الدلائل تقول ياهو ذاتو الزول ده .. الزول ده كل المؤشرات تشير ألا جديد له .. الزول ده واقف محل ما بدا .. الزول ده لا أمل فيه ولا منو
*** وياهو الهلال المعيون ولا جديد أن تصيب العين خط وسطه فتعطل ( دفعة واحدة ) جيرالد وصلاح عادل وعبد الرؤوف ( وعين الحسود فيها عود )
*** أنهى الأهلي القاهري عقده مع مدربه الجنوب إفريقي موسيمابي وعندما يطيح فريق القرن بمدربه ( فالكلام فيه كلام )
*** بنو عمومتنا المريخاب أليس فيكم رجل رشيد يسأل ما علاقة الهلال في الصراع الأحمر بين حازم وسوداكال؟؟ أليس فيكم رجل رشيد أهل القبيلة الحمراء يفرز ألوان الهلال من المريخ !!
** في تنظيمات الهلال أرى ( تنظيم منظم ) ولا قاعدة جماهيرية له وتنظيم بقاعدة كبيرة ( بلا تنظيم ) تنظيمات الهلال إما ( جسد بلا رأس ) أو ( رأس بلا جسد ) وهذا ما لزم التنويه
*** قال السياسي المتنقل في المواقف السياسية والمتناقض التوم هجو أنه استقر نهائياً بأمريكا وعليه فلا أمريكا ( كسبت ) ولا السودان ( خسر ) والحمد لله رب العالمين من قبل ومن بعد
عبدالمنعم شجرابي ..