عبدالمنعم شجرابي يكتب تسرق الجواكر
عبدالمنعم شجرابي يكتب تسرق الجواكر
*** قديماً قالوا كل مشجعي كرة القدم ( عاملين فيها ) مدربين وبما أنهم قالوا أيضاً معظم الشعب السوداني سياسيين فهاهم قادة الطرق الصوفية ( يتعاطون السياسة ) حتى يؤكدوا أن كل الشعب السوداني سياسيين
*** للذين يعرفون والذين لا يعرفون فالتركي اوكتاي عضو مجلس المريخ السابق عاد الآن للواجهة ( بكل ماله وما عليه ) ولا تعليق
*** ردود أفعال سان جورج الإفريقي بملاقاة الهلال ( كساها الخوف ) وخوفه يفرض على الهلال الحذر الشديد ( ولا شنو يا جماعة الخير )
*** كل الزيادات في المشتقات البترولية والمواد الغذائية المتصاعدة كانت ( مشكلة وما مشكلة ) والمشكلة الأكبر والأخطر الزيادة المتوقعة في قطعة الخبز ولا حلول ولن تكون وعلى وزارة المالية ( الأخ ) جبريل
*** الباشمهندس عبدالله السماني الذي دخل إلى مجلس الهلال في سبعينيات القرن الماضي بعمر ثلاثة وعشرين عاماً ظهر أمس بالجوهرة الزرقاء شاباً ولا غرابة فسحر الهلال يعيد الشباب
*** باقة ورد للمتطوعين في العمل الإنساني باقة ورد ندية للذين من صحتهم وعافيتهم يمنحون الآخرين
*** الكرة الأوربية تقول خطوط الملعب ثلاثة دفاع ووسط وهجوم والبرازيليون أضافوا المرمى لتكون أربعة وبضم الحارس النيجيري اكتملت خطوط الهلال الأربعة (وبي كده ) يضع الأهلة رؤوسهم على وسادة من الحرير
*** خمسة أيام فقط حددها الكاف ليسمي المريخ ملعبه الإفريقي ولا زالت المشاورات عفواً لا زالت ( الخلافات جارية )
*** الزول ده ما عندو وعد .. الزول ده ما عندو عهد .. الزول ده يطلع من الحتة دي ويمشى ويجي للحتة دي .. الزول ده ياهو الزول ده
*** الأوضاع لما قبل 25 أكتوبر غير ممكنة ولنا حديث في حال اعتراض حديث شيخ الجد ( تفتكروا ) حديث الناظر ترك القالو ده حيكون شنو ؟؟
*** جميع المبادرات المقدمة لحل الأزمة التي طالت خرجت من المؤتمر الوطني وتعود إليه فتلك الأيادي لا تزال ( توزع الورق وتسرق الجواكر )
عبدالمنعم شجرابي ..
