عبدالمنعم شجرابي يكتب : بكرة شنو؟!
عبدالمنعم شجرابي يكتب : بكرة شنو؟!
اضرب واهرب ..
* تتقلب يميناً ويساراً .. تتقلب ( فوق وتحت ) .. تتقلب مع كل حدث وموقف .. تتقلب الأحزاب السودانية حتى أصبح عندها ( الغلط صاح ) و( الصاح غلط )
* ( قوات الاحتياطي ) لها زمنها ولها توقيتها .. والهلال يسافر إلى الكاميرون بعدد محدود من اللاعبين طبيعي أن يضع الاحتياطي بأمدرمان ( تحت التدريب )
( ويا فرسان يومكم جاي )
* لا أدري كم عدد المرات التي تغيرت فيها هئية أركان الجيش السوداني والكوتش مازدا لم يتم تغيره وبقي في تدريب المنتخبات الوطنية
( زي ما مشى جا )
* بلا شك سيفاجئ الهلال القطن الكاميروني بعناصر لم تظهر أمام الأهلي القاهري وبعنصر المفاجأة يربك خصمه وفلوران
( كوتش مفاجأت )
* طالب بتمديد دكة البدلاء وتم تمديدها
وبعمل حمامات إضافية ونفذ طلبه
طالب بغرفة للمراقب ومدخل منفصل لغرف اللاعبين وهذا ما كان
فهلا تكرمت الزميل ياسر قاسم بذكر متطلبات طالب بها ( كاف الخيار والفقوس ) ولم ينفذها الهلال ؟؟؟
* اعتداء متفلت سوداني على مواطن سوداني قد تكون مقبولة ومن غير المقبول أن يعتدي متفلت سوداني على أجنبي والسودانيون يتفرجون
* الدوري الممتاز تستمر منافسته والدوري الممتاز بدون الهلال ( حلة ) بلا بصل ( وصبحية ) بلا فنان ( ومفروكة ) بلا كسرة ( ولستك اسبير ) بلا ( عفريتة ولا مفتاح عجل )
( وهو كده )
* تنقا النغمة .. تنقا القيثارة .. تنقا الريشة ..
تنقا القصيدة .. تنقا الجمال والأناقة .. تنقا المبدع الفنان المايسترو الإنسان ..
تنقا ( وبلا تفاصيل ) يحتاجكم يا أهلة
وإطلاقاً انتو ماقصرتوا في يوم من الأيام في حق نجومكم عشان تقصروا في ( زولكم تنقا )
* فرح الأخ هشام السوباط رئيس الهلال بفوز فريقه على الأهلي القاهري حتى كرر الفرح
( دامت الأفراح )
* بكرة شنو؟؟
بكرة الجمعة
والجمعة شنو
الجمعة الهلال والقطن
ونقول شنو؟؟
نقول يا رب انصر الهلال
