عبدالمنعم شجرابي يكتب النار ولعت
عبدالمنعم شجرابي يكتب النار ولعت
*** فقدان الثقة بين الطرفين هو الذي جعل القوى السياسة تسارع في رفض حديث النائب الأول للسيادي ( خروج الجيش من الحياة السياسية ) وليتها تفحصت الأمر وصبرت وقديماً قالوا ( الكضاب وصلوا خشم الباب )
*** سبعون حالة تسافر للخارج ونجاح زراعة الكبد بالسودان إنجاز ( حجبته ) صراعات القوى السياسية الفاشلة ( ولتبك يا بلدي الحبيب)
*** انتصر الهلال على الوادي نيالا وحزن المريخاب وعاود الانتصار على ودنوباوي وازدادوا حزناً ولا ندري كيف يكون حال المريخاب حال انتصار الأزرق المتوقع على توتي ؟؟
*** حنلعب .. مش حنلعب .. لا حنلعب .. وقرار حنلعب الأخير قد لا يكون القرار الأخير من لجنة تطبيع الهلال لأداء قمة دارفور طالما اللجنة مش عارفة تلعب ولا ما تلعبش
*** للفوز بالدوري للمرة الثانية على التوالي فالهلال محتاج لنقطة والنقطة مش نقطة النقطة تعب وجري وجهد سنة كاملة ولا مش كده يا أسياد
*** بأمر الحكام يُساق الأمل إلى الهبوط وبأمر فرسانه يظل الأمل ممتازاً بالممتاز ( ويبقى الأمل )
*** لا أول مرة ولا آخر مرة الزيادة في أسعار المواد البترولية فهذه أسهل الحلول لوزارة المالية ومن جبريل لسه حتشوفوا كتير
*** النار ولعت .. والمدفع الثكلي .. وصقيرا حام .. وجلاب المحن الأغاني التي ( أصّلت ) لحكم الفرد هي التي ( ترسخ ) للاقتتال القبلي الآن فهل لفظناها وعدنا لأغنية الحب والسيرة والجمال ؟؟ نعشم
*** الزول ده بالجد جد حاير بيهو الدليل .. الزول ده خلاص ( كتمت معاهو ) .. الزول ده قرب يرفع الراية البيضاء
*** وإن سألوك عن ضربة جزاء لا وجود لها ولو في الخيال .. لو سألوك عن هذه الضربة التي لا وجود لها في قانون اللعبة فقل هي الضربة التي احتسبها الحكم على الأمل العطبراوي وأحرز بها المريخ ( هدفا فضيحة )
*** بعد ( شكلة ) العنكبوتة والساتة صفع المرافق مروة الدولية وياما وياما حتسمعوا وتشوفوا من وعن القونات
*** الهلال دخل بنجاح إلى الحكم الانتخابي .. دشليون مبروك والعقبى للسودان
عبدالمنعم شجرابي ..
