د .حسن التجاني يكتب: ..وهج الكلم..كده ماشين صح..!!
د .حسن التجاني يكتب: ..وهج الكلم..كده ماشين صح..!!
اعتقد كل المحاور والاركان في معركة الكرامة أصبحت واضحة جدا ومفهومة لغالبية الشعب السوداني …خاصة ان الذي حدث لكل الشعب السوداني
كان صدمة بل سكرة غيبت عنه عقله تماما وشلت كل افكاره وجعلته انسان بلا اي خصلة ايجابية من خصال الانسان السوداني المعروفة
بالطبع الا من رحم ربي .
0 الان الوضع يؤكد ان (السكرة) طارت وفكت من كل الشعب وحضرت الفكرة وتسيدت الموقف العملياتي الوطني السوداني.
0 حتي علي مستوي الجيش الذي في الواقع هو جزء اصيل من الشعب السوداني ويمثله تماما… حماية ودراية ودفاعا…صار الامر واضحا ان وقت الجد قد ازف وحان ولابد من دحر الوسخ وسحقه من علي وجه ارض السودان الطاهرة.
0 كفاية استهبال وكفاية قلة أدب وعبث وعبط…جاء الوقت وعقول شعبنا تزن دول وشعوب ولسنا بالهينين اللينين الذين يمكن ان يستهان بنا…تبا للعملاء المأجورين من ابناء وبنات هذا الشعب الجميل المندهش حتي اللحظة من الذي حدث دون ان يتوقعه حتي.
0 خلاص انتهت اللعبة وشعر ابناءنا في القوات المسلحة والمستنفرين والمشتركة بان زمن بقاء (الوهم) قد انتهي وقد طارت سكرتنا وحلت فكرتنا.. وفكرتنا الخلاص من
هذا الكابوس الذي جثم علي انفاسنا وليس صدورنا زمنا ما كان ان يكون لولا الخونة من ابناء هذا الوطن الغالي العزيز الذين كانوا سببا رئيسا في كل الذي يجري الان ..هم وشلة (صعاليق) سياسة الغرب .
0 كنا مهابين جدا لكل العالم
وتعمل لنا حكومات الغرب وامريكا كل حساب بل تخشانا في جيوشنا وحتي اللحظة نحن لسنا بسوريا ولا ليبيا ولا اليمن ولا غيرهم ولا نقلل منهم وشأنهم ولكنا نحن غير
ومازلنا وسنظل اقوياء يصعب علي كل عدو وأي عدو ان ينال منا وتبا لكل عدو وجاسوس وخائن يعمل لهدمنا .
0 الجيش كرب وعصر وتحرك وعزم واصر والح واستلم الجديد من (العدة) …ولن يكلفه بعد ذلك زمنا للخلاص …ستتحرر الجزيرة في أقرب وقت ممكن بإذن الله …ولن يطول الأمر زمنا في سنار وسنجة وجبل الموية والمصفاة والخرطوم وبحري…ولن تنهزم الفاشر عاصمة شمال دارفور.
0 نشاط عسكري للقوات العسكرية جميعها وصل حد (اللقيط) للعواليق من بيوت الناس واخراجهم ..تبا لهم
نشاط غيرمسبوق للمستنفرين تحديدا بان زمن الحرب والصبر علي العواليق المرتزقة قد طال وإن الصبر قد نفد وجاء الخلاص ودنا وإن النصر قد اوشك.
0 فقط… دعونا نصدق ما قاله الجيش ومن معهم بان النصر قد اتي والبداية من مدني وعلي أهل مدني الاستعداد للعودة.
0 تأسفت لوجود مسيرات في شندي وعطبرة … واطلقت واصابت ودمرت وتم تدميرها ايضا…ومن حق أي (زول) ان يسأل كيف عبرت لهناك ؟ ..والاجابة من الواقع الطابور الخامس والخونة وبيع الأوطان بابخس الاثمان…تبا لهم.
0 سينتصر الجيش والان هو منتصر ولكن لا أعرف ما سر الانتظار ؟ الان المتبقي من الجنجويد عدد لا يذكر وهم حثالة مجتمع مجرم كان موقعه السجون ..وجد الفرصة سانحة فخرج ومارس نشاطه الاجرامي بهدوء
وباحترافية ومؤسسية …هل تنتظرون ان يغادروا؟ يغادروا يمشوا وين ؟ يسكنون في منازلهم وهم من الخرطوم وأم درمان وبحري والبلد فاكة لاشرطة فيها ولا امن.. جيش وحرب فقط ومن صالحهم ان يستمر الوضع هكذا و(الحفر بالابرة) في صالحهم
ولكن بالغوا .
0، الجيش الان في احسن حالاته الميدانية واوضاعه اللوجستية والاستعدادية والعتادية والفنية و روحه المعنوية …وازدادت حرارة القلب الوطنية لديه وتوصل الي قناعة تامة ان الذي يحدث هذا استهبال وعبط وقلة أدب وقرر الحسم وبدأ بالفعل وسوف تعلمون وتدركون ان الجيش كرب.
0 ماشين صح لاجل الحسم والجيش ماشي صح لاجل الوطن فقط لان الحق أبلج والباطل (لجلج) …كفاية (هظار) وعبط والسوداني استوعب الدروس وكان قايل
القصة (هظار) زي ما تعود كثير.. يوم يومين ويعود الاستقرار ٫ لكن طولت المرة دي …وزهج خلاص وقرر يتخلص ولو قرر يتخلص خلاص ما بنتظر ….وكده ماشين صح .
سطر فوق العادة:
سعادتو البرهان صادق لاهل مدني ومعركة الكرامة هناك باعفاء العدة القتالية الجديدة من الجمارك نهائيا وأي اشياء اخري تعرقل الاعفاء… ومستنفري مدني ساقوا العربات وتوجهوا الي هناك وناس القضارف راجين وصولهم قالوا معاهم وقدامم بس… وجاهزين
تفتكروا كده مش ماشين صح ؟…ياريت لو من زمان كان مشينا صح….أموت وأعرف الحاصل كان شنو والتأخير سببه شنو ومدني سقطت ليه فجأة ؟ …سؤال يتردد علي لسان كل زول بعرفه اوسامع بيه..من الذي قتل زمقان؟؟؟
(ان قدر لنا نعود)
