عبدالمنعم شجرابي يكتب: .. اضرب واهرب ..يحلنا الحله بله
عبدالمنعم شجرابي يكتب: .. اضرب واهرب ..يحلنا الحله بله
الكهرباء تمهل غسيل الكلى ببورتسودان أسبوعاً لقطع الإمداد خبر ( يقطع ) القلب ( ويحرق ) الكلى ( ويهرد ) الفشفاش وقرار ( قبيح ) ليت من وقع عليه تركه بلا توقيع
*** ضاقت ولما استحكمت حلقاتها ضاقت زيادة
*** محمد سيد أحمد الجاكومي مستشار ( ما عندنا مانع ) ولكن لماذا وفيمَ يستشار؟ وفي أي شورة وأي موقع شورة يريده الاتحاد العام
*** النازحون تسلموا ورثتهم من الزرع والأرض ( وعمروها أكثر مما عمروها ) وآخرون منهم لا زالوا ( ضيوفاً ) والنزوح غير واقع الحال بالولاية الشمالية
ولا زال التغيير مستمراً
*** رغماً عن استيائي من قرار تعيين الجاكومي مستشاراً إلا أنني لا زلت أراجع نفسي مقتنعاً بحاجة الاتحاد لمستشارين والفاقد التربوي معتز الشاعر هو مسؤول الشؤون القانونية بالاتحاد
( ويحلنا الحله بله )
*** باقة ورد لأمهات الشهداء باقة ورد ندية للائي قدمن فلذات أكبادهن بصبر وجلد لدار الخلود
*** اتجه أسامة عطا المنان للسلطان حسن برقو ليتخذه ( نصيراً ) وبالمقابل جاء د.معتصم جعفر بمحمد سيد أحمد الجاكومي ( مناصراً ) والشغل القادم بالاتحاد العام
( أصحاب أصحاب )
*** الزول ده لا متقدم ولا متأخر
الزول لا ماشي ولا واقف
الزول ده محلك سر
*** قرار مجلس الإدارة تخفيض رسوم عضوية المغتربين من عشرين إلى عشرة دولار ( قرار صائب ) يتحمل المزيد من التخفيض فالمغتربون
( الفيهم مكفيهم )
*** لمن أراد تصنيفي بمزاجه الخاص أرجع وأقول أنا لا كوز ولا قحاتي ولا حزبي أنا ( والعياذ بالله من كلمة أنا ) مؤمن مسلم ..
سوداني وطني .. عطبراوي حر ديمقراطي .. ود أمي ولد عامل .. صحفي مهني .. رياضي ثقافي اجتماعي .. ( وقليل ) من سياسي وهذا ما لزم التنويه
*** ايه البيحصل ده !؟؟
عبدالمنعم شجرابي ..
