رسالة “لابناء المسيرية” من رئيس المقاومة الشعبية
قال رئيس المقاومة الشعبية لنصرة الوطن واحد زعماء قبيلة المسيرية الشيخ احمد صالح صلوحه ان ابنائنا قرر بهم ومافي حاجه اسمها دولة ٥٦ دولة العنصرية البكلمونا عنها ولافي جلابة والجلابه معانا في المجلد والضعين ساهمو معانا في اعمار البلد وعملونا واتعلمو معانا واولادهم قرو معانا وقرو معانا مصريين واقباط
واكد خلال استضافته بتلفزيون السودان ان مايقال عن السودان غير صحيح الروشتات التي سلمونا ليها فلول وغيرها
وتابع بالقول على سبيل المثال المليشيا تطارد المزارعين وتقول هولاء فلول فلول شنو ياخي بمشو للزراعة في الجنينه
وزاد قائلا هذه فرية و المليشيا استخدمونا استخدام خاطئ واستخدمو طاقاتنا
وللاسف الحرب فقدنا فيها رجال وترملت نسائنا وخلفت ايتام في حرب غير معرفة ولاندري مقاصدها
وخاطب صلوحه أبناء المسيرية قائلا امس انت اكلتو بابنوسه كيف انت تخربو بيوتكم ومحلكم
انا بقول ليكم الحكاية دي غلط ويجب ان نرجع وانت دخرنا ونحن ولدناكم شان نختكم في المكان الصحيح ولايعقل زول نحن ولدنا وربينا وعلمنا عشان نفقدو في حرب غير معرفة بدون اهداف الناس ديل يرجعو ويعودو
وختم حديثه قائلا بالنسبة لاهل السودان الحرامي ماعندوش قبيله والحرب المقصود منها تفت عضد الوحدة الوطنية ومسألة التشيير عن القبائل معنية باضعاف البنية المجتمعية ومن ثم اضعاف الدولة
